|
Liebi Elisabeth, Liebe Frank
Eue Philip, würkli es Riesegschänk
so villi Jahr händ Ihr uf Eues Baby müesse warte
i dere Zyt hät de Frank däfür sini Karriere chöne starte
sicher händ Ihr scho mängs Stossgebet in Himmel ufeglah
und ändli hat de Herrgott, Iesicht mit Eu gha
Ihr händs verdient, es bsunders Chind
will Ihr zwei sicher ganz gueti Eltere sind
au de Philip, hät die grossi Chance welle nutze
drum hät er nüme länger welle Sternli putze
er hät entschiede, Das Mami und De Papi
und nöd irgend e Anderi, mit eme Lappi
er weiss, bi Eu isch er beschtens ufghobe
drum hät er sini Konkuräntli au uf d Siite gschobe
dänn schliesslich hät er Jahre müesse warte
bis er sis Läbe, als chline Philip hät chöne starte
und will er die langi Wartezyt uf sich hät gnoh
isch er als Eue Sohn, zu Eu beide cho
ja ich finde das ganz famos
und mini Freud mit Eu isch riesegross
ich gratuliere Eu herzlich zu Euem neue Familieläbe
Vill Liecht, vill Freud, vill Glück und Gottes Säge
|
