|
De Zytpunkt isch da, um Dir emal z säge
en wichtige Mänsch, bisch Du worde i mim Läbe
Dini Fürsorg, Dini Hilfsbereitschaft, tuet so guet
und macht eim immer wieder Muet
jetzt chasch Du ärnte, was Du häsch gsäet
sich alles jetzt zum Guete dräht
wieder under s Messer, wieder operiere
doch kei Angst, muesch nöd studiere
Du bisch zwar jetzt nomal im Spital
aber Du weisch, Din Arzt isch genial
Dini Chranket chasch Du jetzt abschlüsse
und kei Träne muesch Du meh vergüsse
ich tue uf Jede Fall ganz fescht a Dich dänke
und möcht Dir für die Operation, dä Ängel schänke
en Ängel, wo Dich behüetet, wo Dich beschützt
und s ganze Aerzteteam fescht unterstützt
er wird Dich behüete, Dich begleite
und Dir viel Glück und Freud bereite
er und sini Fründe sind ganz näch bi Dir
mit Zueversicht und Glaube und miteme liebe Gruess vo mir
|
