|
Liebe Samichlaus
S isch mer scho nöd grad wohl, wänn i dra dänke
dass i mini Gedanke meh zur Schuel sött länke
ja mit de Schuel isch das so ne Sach
s schriebe isch nöd grad mis Lieblingsfach
ja s Läbe isch jetzt scho schüli schwär
wie schön wärs, wänn i no im Chindsgi wär
det chönnt i tanze Spieli mache
umegumpe, singe und en huffe lache
mängisch möcht i grad en Samichlaus si
ich göcht dänn au bi allne Chinde verbi
ich würd alli böse Chind zur Liebi bekehre
gäll Samichlaus, dänn müessti sicher nüt meh lehre
Liebe Samichlaus
Ich bin zwar no en chline Stumpe
aber wäge dem lahn ich mi gar nöd lumpe
bin halt eifach nonig so gross
mis Mami und min Papi findet mich aber trotzdem famos
wänn doch nur mis fräche Müli nöd wär
und s artig si, fallt mer au öpe schwär
mängisch machi scho au dummi Sache
ich bring aber au au vill Lüüt zum lache
öpemal tuen i au am Mami hälfe
bim putze oder bim Ässe iechaufe
das wächslet halt ständig, wie de Wind
aber schliessli bin i ja würkli no es chlises Chind
ich gib mer jetzt au es bizz meh Müeh
wenigschtens vom Abig, bis am Morge früeh
aber en chline Trost, das verspräch ich Dir
irgendwänn, besserets sicher au bi mir
|
