|
wär i es Müggli, so chönt i flüge
d Flügeli schwinge, i vollne Züge
gschwind, gschwind, chämt i bi Dir verbi
und mir zwei würdet vor Freud ganz ufgstellt si
jede Tag en liebe Gedanke
däfür säg ich em Schicksal, danke
i han en Mänsch troffe, wo i sehr mag
das verschöneret mir hüt de ganzi Tag
i fühle Friede, Rueh und Harmonie
was chönt au da de Grund däfür si?
es liebs Wort, es lächle, es brucht gar nöd meh
wänn i nume s Guete, i de Mänsche cha gseh
de hütig Tag, de schönst vo mim Läbe
das möchte i jede Tag, neu chöne säge
drum nimm alli Sörgeli in Liebi a
nur dänn chasch sie effektiv loslah
du bisch scho uf, de Zmorge uf em Tisch
und gspürsch, wie s eigentli en Ufsteller isch
es Grüessli uf Dim Händy, scho am früehne Morge
das bringt vill Freud und nimmt Dir d Sorge
kännsch Du villicht e so es Schätzi
wo vorig hät, es chlises Bätzi
wo mich hüt ieladt zumene feine Znacht
wills Zweite eifach meh Spass macht
|
