|
Hallo, liebi Patrizia
fascht immer lueg i Dini Sändig ah
doch gits mer ebe sho chli z dänke
dass Du Dini Ufmerksamkeit, nur de Junge tuesch schänke
Singles gits schliessli, i allne Altersklasse
wo villicht zu enand würed passe
en liebe Kolleg, de Andrè, hät Dir nämli scho mängisch gschriebe
bis hüt isch er aber ohni Yladig bliebe
er isch würkli en ganz en feine Mänsch
isch das mögli, dass Du ihn nonig kännsch?
isches villicht, will er scho füfzgi isch
dass Du sini Bewärbig wüschisch under de Tisch?
Im Läbe hät er`s gha, würkli schwär
drum ächli Liebi, sehr guet für ihn wär
usgseh tuet er, wie en junge Burscht
was d Lüt vo ihm dänked, isch ihm eigentli Wurscht
mängisch hät er zwar es bizz e grossi Röhre
das muess mer halt ächli überhöre
wie es Gummibälleli tanzt er im Dancing umenand
füehrt sini Partnerinne sicher a de Hand
im Usgang, ständig zu Streiche ufgleit
isch er aber en Typ, wo e Frau no uf Hände treit
i wünsche ihm so fescht, e gueti Frau
Eini wo ihn schätzt, wie ich ihn au
drum lass ihn doch emal im Züri Date ufträte
damit er die älteri Generation bi Dir chönt verträte
so, i hoff, ich heg Di es bizzeli gwunderig gmacht
drum gib Dir doch es Schüpfli, damit er wieder lacht
Ikara
|
