|
Unändlichi Dankbarkeit spür ich in mir
für die letschti Zyt mit Dir
uf Dim letschte Wäg händ mir Dich dörfe begleite
Dich ufs Stärbe vorbereite
S isch sehr schwär für eus gsi, Dich so liiede z gseh
Dir Dini Schmärze nöd chöne z neh
mit Würde häsch Du Dis schwäre Schicksal treit
häsch nie gjammeret, oder es böses Wort gseit
Gfühl vo Liebi häsch Du chöne zuelah
öpis wo Du früehner nöd so häsch gha
trotz Schmärze und Schwachheit häsch Du so vill Stärki zeigt
häsch akzeptiert, bisch gsi bereit
geduldig und friedlich häsch alles ahgnoh
dur das, no vill Liebi vo allne übercho
Rueh und Friede häsch no zu Läbzyt gfunde
mit Dine Liebä, fescht verbunde
Liebevoll, entspannt häsch Du usgseh
wo Du häsch beschlosse, de Atem ufzgeh
jetzt häsch es gschafft, jetzt bisch erlöst
uf em Wäg is Liecht, di letschte Fäde glöst
en Teil vo Dir bliebt bi eus, i eusne Härze
Zyt heilt Wunde, Zyt heilt Schmärze
im Name vo all Dine Liebä dank ich Dir
e gueti Erfahrig, di letschti Zyt so mit Dir
was jetzt Dich erwartet, das weiss vo eus e keis
doch mir wünsched Dir in Liebi, ganz e gueti Reis
|
