|
Liebe Teddybär
s Läbe isch mängisch unändlich schwär
zum Glück gits da no en liebe Teddybär
wo i cha ahlähne, wo i cha kuschele
ihm mängisch öpis is Oehrli ine tuschele
doch leider chan i nöd emale ihm verzelle
mini Sorge, mini Nöt, was i alles tuen welle
zuelose, chan er beschtens, er isch au für mi da
doch isches wie bim Märli, vom Pferd Falladah
es liet a mir, i cha nöd us mir use
i friss alles i mi ine, s tuet mi sälber fascht gruse
wie schön wärs au für mi, chönt i über min eigne Schatte springe
es würd mi sicher au wieter bringe
mis Herz redet vill, mini Lippe bliebet stumm
i weiss, es isch nöd guet, eigentlich sogar dumm
s hät nüt mit Dir z tue, i chas eifach nöd
mängisch find i mi sälber blöd
drum liebe Teddybär, nimm mich so wie ich bin
Din Mutz, Din Schatz, Dini Chloschterfrau, ohni Stimm
|
